Илчеләр
Чемпионатның илчеләре үз һөнәрләренең танылган, сәләтле һәм күренекле вәкилләре иде. Илчеләрнең профессиональ тәҗрибәсе, һичшиксез, эшче һөнәрләрне киңрәк таратуга өлеш кертте һәм яшьләр арасында һөнәри осталыкны ныгытуга булышлык күрсәтте.
Владимир Чагин
Владимир Чагин
Легендар спортчы, дөньядагы иң титуллы узышчыларның берсе, йөк машиналары классында җиде тапкыр “Ралли Дакар” җиңүчесе, “КАМАЗ-Мастер” командасы пилоты. 2013 елдан алып “КАМАЗ-мастер” ярыш командасы җитәкчесе булып тора, 2015 елдан – “Ефәк юлы” Халыкара ралли проекты җитәкчесе.
Мин үз эшчәнлегем буенча квалификацияле кадрларга ихтыяҗны бик нык тоям. Безнең барлык уңышларыбыз һәм җиңүләребез – бик зур профессионаллар командасы: заводларда автомобильләрне проектлаучылар, инженерлар, җыючылар, электриклар, автослесарьлар һәм алардан һич тә ким булмаган башка күп кенә һөнәр ияләренең тырышлыгы нәтиҗәсе ул.
