WorldSkills Juniors

Юниорлар чемпионаты – WorldSkills Juniors – 2019 елның 23-26 август көннәрендә “Казан Экспо” халыкара күргәзмәләр үзәгендә узган төп Чемпионат кысаларында уздырылды.

Ярышлар WorldSkills Juniors юниорлар хәрәкәте яклавы астында узды. Хәрәкәтнең төп максаты булып мәктәп укучыларына киләчәктә чынлап та кызыклы булачак һөнәр сайларга ярдәм итү торды.

Юниорлар чемпионатында 14 яшьтән алып 16 яшьләре тулган конкурсантлар катнашты. Һәр компетенция буенча бары тик 5 катнашучы команда гына тәкъдим ителә алды.

WorldSkills Juniors компетенцияләре исемлеге белән әлеге бүлекнең “Компетенцияләр” битендә танышырга мөмкин иде.