Коры төзелеш һәм штукатур эшләре

Штукатурчылар штукатур эшләрен башкаралар, стеналарга коры тигезләү системаларын куялар һәм шәхси йортлардан алып тарихи биналарга кадәр булган төрле проектлар кысаларында декоратив бизәкләр булдыралар.

Штукатурчылар бинаның эчендә дә, тышында да эшлиләр. Еш кына, соңгы тигезләү эшләрен башкарыр алдыннан алар металл каркасларны алып ташлыйлар һәм гипсокартоннан булган плитәләр ябыштыралар.

Югары әзерлекле штукатурчы эшенең матурлыгы, җыйнаклыгы, детальләргә игътибарлы булуы һәм катлаулы математик исәпләүләрне башкара алуы белән аерылып тора. Штукатурчылар катлаулы техник спецификацияны укый, гамәлгә ашыра һәм анализлый белергә, эшләрендә төрле материалларны кулланырга курыкмаска һәм дугалы өслекләр, ишекләр, тәрәзәләр һәм декоратив молдинглар белән эшли алырга тиешләр. Штукатурлык эшендә кулланыла торган материалларның күпчелеге агулы булу сәбәпле, штукатурчылар хезмәтне саклау кагыйдәләрен һәм куркынычсызлык таләпләрен төгәл үтәргә тиешләр.

Штукатурчылар, кагыйдә буларак, торак һәм коммерцияле проектлар төзелешләренә, шулай ук тарихи һәм мәдәни мирас объектларына  субподрядчылар сыйфатында җәлеп ителәләр. Төзелеш өлкәсе үсеше, шулай ук штукатурлау алымнары һәм материаллары өлкәсендә яңа казанышлар әлеге өлкә белгечләренә эшкә урнашу өчен зуррак мөмкинлекләр ачар дип көтелә.