Компьютер уеннары өчен 3D модельләштерү

Гейм-дизайнерлар, үзләренең иҗади сәләтләрен, геометрик төзелеш технологияләрен һәм күнекмәләрен кулланып, видеоуеннарда мавыктыргыч анимация образларын тудыралар.

Гейм-дизайнер уенның жанрына, стиленә бәйле рәвештә өч үлчәмдәге модельләрне ясый, модельләштерә, анимацияли һәм ясала торган уенның уен процессы эчтәлеге һәм кагыйдәләрен эшләү аспектлары - дизайн-документны кабул итүдән, креатив, техник һәм махсус компетенцияләрне кулланудан алып базарда ихтыяҗ зур булган әзер продуктны тәкъдим итүгә кадәр булган өлеше өчен җавап бирә. 

Концепцияне алып, аны күнекмәләрнең күп төрләрен кулланып, модельләргә симметрия һәм фактура биреп, геометрик чишелешләр кулланып өч үлчәмле сеткага әйләндерү өчен дизайнер концептуаль дизайн һәм анимация принципларын тулысынча аңларга, шулай ук уен персонажларын ясый һәм анимацияли белергә тиеш.  

Бүген уен индустриясе зур адымнар белән алга баруын дәвам итә һәм иң яхшы гейм-дизайнерлар иҗади күзаллау чикләрен бергә атлап чыгып, яңа технологияләр ярдәмендә гаҗәеп анимация образларын тудыручы рәссамнар һәм программалаштыручыларның иҗади командаларын җитәкләргә сәләтлеләр.