Эретеп ябыштыру технологияләре

Эретеп ябыштыручы металларның төрле төрләрен әзерли һәм аларны электр һәм газ-электр технологик процесслары ярдәмендә эретеп ябыштыра. Эретеп ябыштыручылар тоташтыруларны башкарырга һәм аларны ахыргача эшкәртеп бетерергә тиешләр. Алар сәнәгатьнең заводлардан һәм төзелеш мәйданнарыннан алып электростанцияләр һәм диңгез судноларына кадәр булган төрле тармакларында хезмәт куялар.

Эретеп ябыштыручы белгечләр сызымнарны, стандартларны һәм эретеп ябыштыруда кулланыла торган билгеләрне укый белергә, эретеп ябыштырыла торган материалларга бәйле рәвештә аларга туры килүче алымнарны сайлау өчен эретеп ябыштыру җайланмаларының төрле төрләре, металлургия һәм электрик процесслар буенча тирән белемнәргә ия булырга тиешләр.

Алардан эшләрне куркынычсыз рәвештә башкару һәм шәхси саклык чаралары турында яхшы белү таләп ителә. Энергия чыганагына бәйле рәвештә, эретеп ябыштыруның берничә төрле алымы гамәлдә.

Эретеп ябыштыру — сәнәгатьнең автомобиль җитештерү, биналар төзү, торбаүткәргечләр салу, тау сәнәгате, авыл хуҗалыгы һәм көндәлек куллану товарлары җитештеү кебек төрле тармакларында күптөрле вариантарда кулланыла торган ихтирамга лаеклы хезмәт. Җитештерү процессларының иң мөһим һәм универсаль төре буларак, эретеп ябыштыручыларга сорау гел булачак.