Ford Sollers

Ford Sollers - Ford Motor Company глобаль концерны һәм Россиянең әйдәп баручы автоҗитештерүчесе “СОЛЛЕРС” акционер җәмгыятенең (ул шулай ук контрольдә тотучы акционер да) уртак предприятиесе.

Ford Sollers предприятиесе тулысынча Россия икътисадына интеграцияләнгән. Хәзерге вакытта Ford Sollers үз көче белән Ford Transit автомобильләре, шулай ук әлеге модель базасында төзелгән махсус һәм социаль билгеләнештәге модификацияләр линейкасын җитештерә.

Ford Sollers предприятиесе “Алабуга” махсус икътисади зонасында (Татарстан Республикасы, Алабуга шәһәре) урнашкан үз заводында тулы цикл технологиясе буенча Ford Transit автомобильләре җитештерә. Россиядә җитештерелгән һәр Ford автомобиле Ford Motor Company дөнья стандартлары нигезендә катгый сыйфат контролен уза.

Ford Sollers предприятиесе шулай ук гарантия ремонты һәм сервис хезмәт күрсәтүе буенча барлык бурычларны үти, шул исәптән Ford компаниясенең Россиядәге хәзерге һәм булачак клиентларын оригиналь запас частьләр белән тәэмин итә.

Рәсми сайт: http://fordsollers.com/