Цифрлы модельер

Цифрлы модельерның төп бурычы – кием үзлекләрен виртуаль мохиттә проектлаштыру, аларны тәкъдир итү һәм сынап карау. Бодисканер кешенең 3D күчермәсен ясый, аның буенча цифрлы лекалалар эшләнелә. Кием материалы барлык үзлекләрне (тыгызлык, текстура, рәсем) ала һәм кием җитештерү технологияләрен кулланып виртуаль мохиттә “тегелә”.

Цифрлы модельерга конструкцияләү һәм модельләштерү, материаллар өйрәнү һәм җитештерү технологияләре, эргономика һәм антропометрия, шулай ук махсус программа тәэмин ителеше һәм җиһазлар күнекмәләрен белү кирәк.

Модельләштерү вакытында цифрлы технологияләр модельнең физик үрнәген барлыкка китермичә утыруның сыйфатын, киеп йөрүнең уңайлылыгын һәм тышкы кыяфәтнең ахыргы вариантын бәяләргә ирек бирә. Мондый ысул шәхси заказлар буенча продукцияне массакүләм җитештерүне мөмкин итә, бу онлайн-шоппингка һәм бар мода индустриясенә зур йогынты ясый.