22 - 27 август 2019

Казан Экспо

Казандагы 2019 елгы «Ворлдскиллс» стандартлары нигезендә һөнәри осталык буенча 45 нче дөнья чемпионаты “Казан Экспо” Халыкара күргәзмә үзәге территориясендә узачак.

Дөнья чемпионаты уздыру өчен махсус база төзелә, һәм ул 2018 елга әзер булачак. Объектның төзелешенә “Казан” халыкара аэропорты янында урнашкан 4,8 Га мәйданлы җир бүлеп бирелгән.

kazan_expo___glavnaya_2.jpg

«Казан Экспо» Халыкара күргәзмә үзәге ул - ярышлар зонасы, күргәзмә павильоннары, галерея, конгресс-холл, күпфункцияле заллар, VIP-зона, ял итү зонасы, ресторан. Моннан тыш, комплекс составына 200 номердан торган кунакханә һәм өстәмә ачык мәйданчыклар кертергә дә планлаштырыла.

Күргәзмә үзәгенең “Казан” халыкара аэропортына, шул ук вакытта чемпионатта ярышучылар һәм экспертлар яшәячәк WorldSkills авылына якын булуы бу урынга килү һәм катнашучыларны транспорт белән китерү өчен дә уңай шартлар тудырачак.