Лаборатор һәм химик анализ

Лаборант-химик фәнни-тикшеренү максатларында яки яңа эшләнмәләр барлыкка китерү өчен матдәләрне өйрәнә һәм аларның химик составларын билгели. Химик анализ чимал үзенчәлекләренең, технология процессының арадаш продуктларының һәм әзер эшләнмәнең гамәлдәге нормаларга туры килүен тәэмин итү өчен кирәк.

Лаборант-химиклар төрле табигый һәм ясалма материалларны анализлау өчен оптималь приборлар һәм алымнарны сайлый белергә, үз материалларын сыйфат һәм сан ягыннан тикшерүнең заманча химик һәм физик-химик алымнары ярдәмендә тикшерүләр уздыра белергә тиешләр. Алар химияне, шулай ук физика һәм биологияне дә белергә тиешләр. Критик фикерләү, вакытны планлаштыра белү, карарлар кабул итү һәм кыенлыклардан чыгу юлларын табу шулай ук әлеге өлкәдә уңышлы карьера ясау өчен кирәкле сыйфатлар. Лаборант-химиклар санитар-гигиена таләпләрен һәм куркынычсызлык техникасы һәм хезмәтне саклау нормаларын үтәп, логик һәм системалы эш итә белергә тиешләр.

Лаборант-химиклар сыйфат контроле бүлекләренең, химия, нефть химиясе һәм фармацевтика сәнәгате предприятиеләренең тикшеренү һәм экология бүлекләрендә химия лабораторияләрендә эшлиләр. Фаразлар буенча, әйләнә-тирә мохитнең пычрануын контрольдә тоту, чиста энергия җитештерү һәм табигать байлыкларын рациональ куллану кебек экология проблемаларына кызыксыну нык арту, шулай ук химик тикшеренүләр һәм эшләнмәләргә ихтыяҗ артуга китерәчәк.