Электр монтажы

Электрчы барлык төрдәге коммерцияле, торак һәм сәнәгать төзелеше объектларында электр системаларын проектлый һәм монтажлый, электр белән тәэмин ителеш системаларына техник хезмәт күрсәтә һәм төзекләндерү эшләрен тиз һәм куркынычсызлык кагыйдәләрен исә тотып башкара. 

Электр җиһазлары һәм электр белән тәэмин ителеш системалары үз эчләренә бүлү калканнары, кабельләр, предохранительләр, термореле, кыска ялганыштан саклану кабызгычларын алырга мөмкиннәр һәм җылыту, яктырту, бүлмәләрдәге һаваны чистарту, үлчәү җайланмаларында, шулай ук сак һәм янгын сагы системаларында кулланылалар.

Җыйнаклык һәм үз эшен планлаштыра белү, кешеләр белән аралашу осталыгы күнекмәләре, детальләргә игътибарлылык, төрле хәлләрдән чыгу юлын табу, профессиональ эш өлкәсен яхшы белү - оста электрчының төп сыйфатлары. Электр белән бәйле куркынычларны исәпкә алып, клиентларга электр җиһазларының куркынычсыз һәм ышанычлы эшчәнлеген тәэмин итүче югары сыйфатлы хезмәт күрсәтү беренчел әһәмиткә ия. Электриклар куркынычсызлык техникасы буенча яңа стандартларны төгәл белергә һәм аларга таянып эш итәргә тиешләр.

Электр монтажы төзелеш тармагының башка юнәлешләре белән тыгыз бәйләнгән. Электрчылар барлык тармакларда: коммерцияле предприятиеләрдә, торак-коммуналь өлкәдә, авыл хуҗалыгында, җитештерү сәнәгатендә дә эшлиләр. Төзелеш секторының үсеше һәм энергиянең альтернатив чыганакларына сорау үсү нәтиҗәсендә электрчыларга ихтыяҗ артачак.