WorldSkills Kazan 2019 флагы Амур өстеннән очып узды – флаг эстафетасының Хабаровскка килүе бу. Парашютчылар 1500 метр биеклектән коллектив сикереш ясадылар. Дүрт парашютчы сафында Хабаровсктан WorldSkills Russia хәрәкәте экспертлары: “Коткару эшләре” компетенциясе менеджеры Родион Хәсәнов, “Пилотсыз авиация системаларын эксплуатацияләү” компетенциясе эксперты Сергей Минеев. 

WorldSkills һәм WorldSkills Kazan 2019 флагларын тәбрикләү тантаналары Хабаровск краенда VI “Яшь профессионаллар” (WorldSkills Russia) төбәк чемпионаты ачылышы кысаларында узды.