22 - 27 август 2019

Аккредитация

ДЕЛЕГАЦИЯЛӘР ӘГЪЗАЛАРЫ

WorldSkillsKazan 2019 системасында теркәлү: 01.06.2018 – 22.06.2019

WorldSkillsKazan 2019 (алга таба WSK2019) системасында теркәлү Чемпионатның барлык катнашучылары өчен дә мәҗбүри.

Теркәлүне уңышлы узган очракта катнашучы ала:

  • aккредитация таныклыгын – 2019 елның 7 нче августыннан 2019 елның 7 нче сентябренә кадәр Россия Федерациясенең дәүләт чикләреннән узу хокукын бирә торган һәм өстәмә рәвештә виза рәсмиләштерүне таләп итми торган рәсми документны;
  • башкарыла торган функционал һәм катнашучының түләнгән пакеты нигезендә Чемпионат объектларына һәм сервисларына керү мөмкинлеген бирә торган аккредитация бейджын.

Милли делегацияләр составына түбәндәге позицияләр керә:

конкурсант, эксперт, баш эксперт, баш эксперт урынбасары, техник делегат, техник делегат ассистенты, рәсми делегат, рәсми күзәтүче, тәрҗемәче, башкаручы директор (оешма җитәкчесе), команда җитәкчесе, шулай ук делегация составына керүче медиа вәкилләре һәм күзәтүчеләр

Тулырак мәгълүмат

Аккредитацияләү процедурасының тасвирламасы

Һәр делегация делегациянең барык әгъзаларын WSK2019 аккредитация системасында теркәү өчен җаваплы затны билгели.

Җаваплы зат тиешле бүлектә делегация катнашырга планлаштыра торган компетенцияләр һәм позицияләр буенча мәгълүматны тутыра, шулай ук һәр катнашучының шәхси анкеталарын тутыра. Теркәлүнең һәр этабының төгәлләнү сроклары Теркәлү сроклары бүлегендә күрсәтелгән.

Теркәлү эшен башлар өчен сылтамасы

WSK2019 АККРЕДИТАЦИЯЛӘҮ СИСТЕМАСЫ

Логин һәм пароль, шлай ук WSK2019 аккредитацияләү системасында эшләү буенча кулланма җаваплы затка email аша җибәрелде.

Теркәлү процессы буенча сорауларыгыз калган булса, зинһар өчен, accreditation-support@worldskillskazan2019.com адресы буенча язып җибәрегез.

Әгәр дә сез делегациягезне теркәү өчен җаваплы зат булып торасыз, әмма шәхси кабинетка керә алмыйсыз икән, зинһар өчен, accreditation-support@worldskillskazan2019.com адресына языгыз, бер үк вакытта шул ук хатны ellen.coppens@worldskills.org адресына да юллагыз. Заявканы шаблон нигезендә тутыруыгызны сорыйбыз.

 

Теркәлү сроклары

WSK2019 аккредитацияләү системасында теркәлү процессы берничә этаптан тора. Һәр этапны билгеле срокларда узу мәҗбүри.

Делегацияләрне бик алдан теркәү

Җаваплы зат делегация катнашырга планлаштыра торган компетенцияләрне һәм катнашырга теләк белдергән катнашучылар санын күрсәтә.
Этап төгәлләнү срогы: 22.08.2018

Делегацияләрне алдан теркәү

Җаваплы зат делегациянең һәр катнашучысына шәхси анкеталар тутыра, катнашучыларны позицияләргә билгели.
Этап төгәлләнү срогы: 22.04.2019

Пакетларны броньлау

Үз эченә пакет программасы кысаларындагы яшәү һәм башка сервисларны алган пакетларны броньлау һәм алар өчен түләү
Пакетларны броньлый башлау вакыты: 15.11.2018 Этап төгәлләнү срогы: 22.04.2019

Делегация әгъзаларының шәхси анкеталары*

Җаваплы зат һәр катнашучы буенча шәхси мәгълүматларны тутыра, тиешле таләпләр буенча фотографияне урнаштыра һәм анкеталарны карап тикшерүгә юллый.
Этап төгәлләнү срогы: 22.06.2019

* Игътибар, тулысынча тутырылмаган яки дөрес тутырылмаган анкеталар WSK2019 оештыру комитеты тарафыннан каралмыйлар. Анкетаны раслау өчен, зинһар өчен, статусны “Черновик”тан “Карау өчен” дип үзгәртегез (анкетаның уң якта түбәндә урнашкан “Җибәрергә” кнопкасына басып). Анкеталарның статусларын шәхси кабинет аша карап барырга була.

Аккредитацияләү үзәге һәм аккредитация бейджларын бирү

Аккредитация бейджы WSK2019 системасында теркәлү процедурасын уңышлы узу нәтиҗәләре буенча (анкета “Актив” статусын алган очракта) бирелә. Аккредитацияләү үзәгенең урнашу урыны һәм эш графигы турындагы мәгълүмат соңрак тәкъдим ителәчәк.